Sabudanyachi khichadi / साबुदाण्याची खिचडी / उपवासाची

Sabudanyachi khichadi / साबुदाण्याची खिचडी / उपवासाची / UPVAS

साहित्य :

१) २ वाट्या साबुदाणा.

२) १ वाटी शेंगदाण्याचा कुट.

३) १ बटाटा.

४) ५-६ हिरव्या मिरच्या.

५) मीठ.

६) अर्धा चमचा साखर.

७) २ मोठे चमचे तूप.

८) २ मोठे चमचे खवलेला नारळ.

९) थोडीशी कोथिंबीर. 

१०) अर्धा चमचा जिरे. 

कृती:-

साबुदाणा खिचडी करण्या पूर्वी साबुदाणा निदान दोन तास आधी धूऊन तो मुरण्या इतके पाणी ठेऊन भिजवावा. दोन तासांनी तो बोटांनी दाबून पाहिल्यावर तो पिठूळ झाला व ओलसर लागला नाही, कि तो मुरला आहे असे समजावे.

या भिजलेल्या साबुदाण्यात शेंगदाण्याचे कुट, मीठ व साखर टाकावी. हे मिश्रण हाताने एकत्र करावे. २ मोठे चमचे तूप काढईत घालावे. त्यात जीऱ्याची फोडणी करून मिरच्यांचे तुकडे व बटाट्याच्या पातळ फोडी टाकून थोडे परतावे.नंतर वरती झाकण ठेऊन मंद आचेवर वाफ येऊ द्यावी.

बटाटे शिजले कि त्यात साबुदाणा घालून ७-८ मिनिटे हलवावे, वरून खवलेला नारळ बारीक चिरलेली कोथिंबीर टाकावी.

टीप:- खिचडी साजूक तुपात केल्यास खूप स्वादिष्ट आणि खमंग होते.